Assalamu’alaikum Wr.Wb.
Nuwun,Dhumateng ibu Kepala Sekolah …. ingkang dhahat kinurmatan, ingkang minulya bapak/ibu guru.Sarta para rawuh ingkang tansah winantu ing suka basuki.
Sumangga kula dherekaken ngonjukaken puji syukur wonten ngarsa dalem Gusti Ingkang Maha agung, barokah ingkang rumentah dhumateng panjenengan sedaya saha kula, satemah kula saha panjenengan sedaya saged makempal wonten ind adicara Perpisahan kelas 6 ….
Para rawuh ingkang kinurmatan,kula minangka wakil siswa-siswi kelas VI ngaturaken agunging panuwun ingkang tanpa upami,awit kaiklasan saha katresnan bapak/ibu gurusatemah para siswa saged pikantuk ilmu ingkang kathah sanget wonten ing 6 warsa menika. Kula sakanca namung saged nyuwun ndedonga, mugi-mugi bapak/ibu guru sedaya pikantuk piwales saking Allah SWT, saha mugi-mugi bapak/ibu gurutansah pinaringan kasarasan. Boten kesupen kula saha kanca-kanca ugi nyuwun pangapunten, awit kula saha kanca-kanca asring damel bapak/ibu gurukuciwa, amargi saking atur solah bawa kula saha kanca-kanca ingkang boten mranani penggalih panjenengan.
Para bapak/ibu gurusaha para rawuh, wonten ing wekdal punika kula saha kanca-kanca nyuwun pamit lan nyuwun donga pangestu,mugi-mugi sasampunipun medal saking pawiyatan ing ngriki kula sakanca saged ngelajengaken ngangsu kawruh wonten ing pawiyatan candhakipun. Mekaten ugi mugi-mugi adhik-adhik kelas I,II,III,IV lan kelas V saged kasil ngangsu kawruh kanthi kasil ingkang langkung sae.
Para rawuh ingkang kinurmatan, mekaten atur kula. Bilih kathah klenta klentunipunn ing atur, kula nyuwun agunging samudra pangkasama.
Matur nuwun.
Wassalamualaikum wr.wb
0 komentar:
Posting Komentar